نبدا بسم الله ونجيب طنجرة ضغط نحط فيها قطع الدجاج والبصل و الثوم مرحيين ونضيف ملح وفلفل اسود وبابريكا وراس الحانوت ونحطها عالنار تتقلى مليح ثم نضيف الطماطم ونقلي جيدا ونمرق بالماء ونخلي الدجاج والمرق يطيبو

نرجع لعجينة تليتلي هيا شبيهة تماما لسان عصفور لكن تكون حبتها رقيقة وطولية الشكل نحطها في جفنة واسعة نضيف عليها م ك زيت ثم نحطها في كسكاس فوق قدر به ماء يغلي ونخليه يفور

نرجع نحطو فالجفنة ونضيفلو كمية من الماء حتى يتشرب كامل الماء ونرجع نحطو فالكسكاس ونبقا نعاود في نفس العملية حتى نتحصل على تليتلي طري

نفرغ فالجفنة بعد ماطاب ونضيفلو م ص زبدة ونحلو مليح ونرجع المرق نطفي عليه وقطع الدجاج نحمرها فالزيت ونحط تليتلي في كسرونة واسعة ونضيف عليه كمية المرق ونصف كمية الحمص ونحطو عالنار يتجمر مليح

بعد ماتشرب مليح كامل المرق نفرغ في صحن التقديم ونزينز فالوسط بكمية الحمص المتبقية ونسلق حبات البيض من قبل

فالاخير نزين صحن تليتلي بالابيض المسلوق وقطع الدجاج المحمرة. وكانت هذي وجبتي الغداء اليوم والف صحة وعافية