رشتة
#نكهات_الشتاء اكلة شتويه بأمتياز
إفتح في تطبيق كوكبادالخطوات
- 1
نقطع البصل حجم صغير وبطنجره ع نار منحط زيت بس يحمى منحط البصل ومنحمرو بس يحمر منزيد فوقو العدس المغسول ومنضف قبل بوقت ومنزيد غمرتهن ماء او اكتر شوي بس يستوي العدس نص استوا منزيد عليه العجين او المعكرونه
- 2
العجين منخلط الطحين مع الماء ورشة ملح ومنعجنهن منيح ليصيرو عجينه متماسكه منفردها ومنقطها قطع صغيره مع رش الطحين عليهن عشان ما يلزقو وبس نخلص كل العجين قبل ما نحطهن فوق العدس مننخلهن ينزل منهن كل الطحين الزايد ومنرجع منحطهن فوق العدس
- 3
بس يستوي العدس ولعجين بمقليه ع نار منحط زيت ومنقلي التوم والكزبره شوي بس لتفح رايحتهن منزيدهن فوق العدس ومنزيد ملح ونعنع يابس ومنغليهن سوا غلوه وصحتين
- 4
فينا اخر شي نزيد عصير حامض اذا بدنا وفينا بدل لعجين نحط معكرونه وبدل الكزبره الخضره نحط يابس والبصل فينا نحطو بس يغلي العدس بدون ما نقلي وفينا نقلي حسب الرغبه ومقلي اطيب
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (2)