نبدا بسم الله ونجيب طنجرة نحط فيها قطع دجاج نضيف عليها بصلة مرحية ونضيف ثوم ومعدنوس مقطع رقيق نحط ملح وفلفل اسود وراس الحانوت وبابريكا حلوة وزيت

نحطها عالنار تتقلى مليح ونضيف م ك طماطم مصبرة ونقلي مليح ثم نضيف كمية من زيتون اخضر نصف نقطعو شرائح والنصف الاخر نضيف حبات ونقلي جيدا ثم نمرق بكمية من الماء الساخن ونغلق ونخليها تنضج

بعد ماطاب نخليها نثقال ونخلي قطعة دجاج وحدة انا باقي القطع نقوم بتفتيتها ثم نرجع نجيب 4حبات بطاطا كبيرة الحجم نقطعها مربعات

نخرج قطع الدجاج من المرق ونخليه يبرد ونقوم بتفتيته ونجيب سارسو شكل قلب نقطع ورق طبخ نحطو فالوسط ونحط فالاسفل ورق المنيوم ندهن حواف السارسو بالزبدة ونرجع نضيف عالدجاج المفتت كمية من الجبن الطري وكمية زيتون شرائح وكمية قليلة من المرق وجبة بيض ونخلط مليح

نفرغ نصف كمية البطاطا فالقاعدة نسويها مليح ثم نفرغ كمية خليط الدجاج من فوق نغطي كامل البطاطا ثم نحط جبن مبشور عالسطح و فالاخير نضيف كمية البطاطا المتبقية ونحط كمية. اخرى من جبن مبشور ونفرغ من فوق البيض وخليط الكريمة ونشعل الفرن يسخن مليح ونحط السارسو في سينية فرن وندخلو يطيب نشعلو من تحت مدة ربع ساعة يتماسك البيض ونشعلو من فوق يتحمر مليح

ونرجع لكمية المرق نفدم بيها طبق تاعي ثم نخرج السينية من الفرن ونخليه يبرد

ننزع ورق الألمنيوم ونحط الطبق في صحن التقديم وقطعة الدجاج المتبقية حمرتها فالزيت وزينت بها من فوق مع فلفل حار قليتو كذلك وزينتها بمعدنوس مقطع

قدمت الطبق تاعي مع طاجين الزيتون بصلصة حمراء جاء طبق تاعي بزاف لذيذ وتقديم راقي