نبدا بسم الله ونحضر الحشو نجيب نصف صدر دجاج نقطعو إلى مربعات ونرحيه فالاشوار ثم نقطع نصف حبة بصل الى مربعات ثم نرحيها قليلا وبعد ذلك نجيب مقلاة نحط فيها 2م ك زيت ونحطها عالنار ونضيف البصل نقليه مليح ثم نحط عليه الدجاج المرحي

نضيف عليه 3فص ثوم مبروش وملح وفلفل اسود وزنجبيل وكركم وتوابل دجاج نخلط ونقلي اللحم جيدا حتى يتفتح جيدا ومايشكلش تكتلات نخلي الدجاج يطيب جيدا ثم نضيف عليه بقدونس مقطع ونطفي عليه النار ونخليه على جنب

وصفة عجينة الكيش موجود هنا فالرابط

نجيب مول تارتولات نشكل العجينة فيه ونثقبهم بشوكة وندخلهم الفرن يطيبو نصف طهي فقط ونخرجهم يبردو قليلا

ثم نرجع للحشو ونحط م ك في كل مول حتى نكمل 6حبات ثم نضيف قطع صغيرة من الجبن الطري

فالاخير شكل الميني كيش قدمتهم مع حساء اليقطين وبقية العجينة احتفظت بها فالثلاجة

هذه الوصفة حضرتها من قبل واحتفظت بها كمسودة فكما تعلمون توفيت عمتي منذ 3ايام لا ادخل المطبخ وحتى لا أفتح التطبيق كثيرا دعواتنا لنا بالصبر ولبناتها خصوصا