نبدا بسم الله ونجيب رسبسيون نحط فيها علبة زبادي بدرجة حرارة المطبخ(وباقي المقادير نوزنهم بنفس العلبة) ونضيف علبة ماء دافئ ونصف علبة حليب دافئ وم ك خميرة الخبز ونخلط جيدا ثم نضيف حبة بيض وعلبة ناقص إصبع زيت

نخلط جيدا ثم نضيف مبشور حبة برتقال ونخلط جيدا

نبدا باضافة الفرينة مع م ص ملح ونجمع حتى نتحصل على عجينة تتقطع نغطيها ونخليها تختمر

نجيب سينية دائرية تدخل الفرن ندهنها بالزبدة مليح ثم نفرغ فيها الخليط بعد ما اختمر ونعاود نخليها حوالي 10د أخرى تختمر

نشعل الفرن يسخن مسبقا وندخل السينية تطيب على درجة حرارة 180د حتى يتحمرو الجوانب نطفي ونشعل عليها من فوق تتحمر مليح ونطفي النار

نقلب السينية مباشرة فوق صحن دوار ونخليها تبرد تماما ثم نجيب شكولاتة الطلي نخففها بالزيت ونسخنها قليلا ثم ندهن حواف الكيكة بالشكولا ونزينها بكاوكاو محمص ومرحي ثم نفرغ باقي شكولاتة الطلاء فالوسط ونوزعها على كامل السطح

فالاخير نخلي البريوش يبرد تماما ويقدم مع قهوة العصر