نبدا بسم الله ونجيب رسبسيون نحط فيه كاس حليب دافئ مع كاس ماء دافئ وعلبة زبادي وم ك سكر و2م ك خميرة الخبز

نخلط مليح ثم نضيف نصف كاس زيت وبياض حبة بيض ونخلط جيدا

نبدا باضافة الفرينة مع م ص ملح ونخلط حتى نتحصل على عجينة طرية نوعا ما نغطيها ونخليها تختمر

بعد الاختمار نهبطلها الخمور ونرش سطح العمل بفرينة ونقسم العجينة إلى 2 كرات نحل العجينة الأولى إلى كرة كبيرة نقطعها كما فالصورة

نحضر جبن طري ونقطع فالاسفل ونحط قطع جبن ثم نلف حتى نتحصل على شكل هلال حتى نكمل كامل العجينة الأولى و الثانية نحط حبات الكرواصون فوق ورق طهي في سينية فرن انا تحصلت على 4 سواني من الكرواصون ونغطيهم بطرشونة ونخليهم يختمرو مجددا

نحضر بيضة مع صغار بيضة نضيفلها قليلا من الحليب ونخلط مليح ثم نطلي حبات الكرواصون بعد ما اختمرو جيدا ونرش عليهم سينوج ونشعل الفرن يسخن مسبقا ونحط السفينة الأولى تطيب من أسفل ثم نشعللها من فوق يتحمر ونكمل باقي السينيات

فالاخير نخرج حبات الكرواصون ونغطيهم بطرشونة ثم نحطهم في صحن التقديم يقدم مع حساء الخضار او شربة فريك يصلح لمائدة الافطار في شهر رمضان المبارك