نبدأ بسم الله ونحضر 4 حبات برتقال تغسلهم مليح ونبرش 2 حبات منهم في رسبيون (وعاء)

نضيف عليهم 2 كاس سكر ونخلط مليح ثم نقشر حبات البرتقال

بعد ذلك نضيف 2 علب ياؤرت اي ذوق تحبون اني حطيت ذوق أناناس ونخلطهم جيداً مع السكر والمبشور ثم نرجع الحبات البرتقال ننزع منهم الخيوط البيضاء الموجودة بالداخل ونقطعهم تقطيع عشوائي

نضيف البرتقال عالخليط الاول ثم نضيف 2 كاس ماء فالاول ونجيب برا ميسكار ونرحي الخليط جيداً

نتحصل على هذا الخليط نجيب صفاية كبيرة مع رسبيون آخر ونصفي العصير

ثم المتبقي نرجعو عالرسبيون ونضيف عليه كاس ماء ونعاود نرحيه مرة ثانية ونصفيه مجددا والمتبقي نعاود نرحيه لآخر مرة بكاس ماء ونصفيه حتى نتحصل على هذا العصير

نجيب حبة برتقال نغسلها جيداً ثم نقطعها إلى شرائح ونضيفها عالعصير وكل شخص وكيفاه يحب العصير انا نحبو يكون ثقيل ضفتلو حاولي كاس آخر يعني كل الماء كان 2 لتر وتحصلت على اروع عصير برتقال احسن من الجاهز صنع منزلي

فالاخير نحطو في الثلاجة ويقدم بارد

شكل عصير البرتقال جاء لذيذ جداً احسن من العصائر الجاهزة