نبدأ بسم الله ونجيب كاس ارز ابيض نغسلو مليح ونحطو في كسرونة مع ماء وملح ونضيف عليه حبة جزر نقطعها رقيق ونخليهم يطيبو مليح ثم نضيف عليه قطع زيتون اخضر مقطع رقيق ونصفيه بعد ماطاب ونحطو فالاشوار ونرحيه جيداً

بعد ذلك نجيب ربع صدر دجاج نقطعو مربعات ثم نرحيه هو كذلك فالاشوار حتى يصبح ناعم ثم نفرغو مع الأرز المرحي ونضيف عليه بقدونس مقطع وم ك شابلير

ثم نضيف التوابل المذكورة فالمقادير ونبرش 3فص ثوم ونحط حبة بيض ونخلط الكل جيداً ثم نضيف نصف ما ص بابريكا حارة ونخلطها جيداً

بعد ذلك نحضر كمية من الخبز المرحي في صحن وصحن آخر حبة بيض ونبدا نشكل صبيعات الأرز نرمدها فالشابلير ومرة فالبيض ونعاود مرة أخرى فالشابلير

نجيب مقلاة نحط فيها كمية من الزيت ونخليه يسخن ونبدا نقلي حبات الكروكات نقليهم على نار أقل من المتوسطة حتى يطيب الدجاج ونقلب من الطرفين حتى يتحمرو مليح

نحتفظ بباقي الكمية انا ما خدمتش كامل الكروكات خليت كمية نصنع بيهم كروكات شكل آخر ثم نجيب مقلاة اخرى نحط فيها كمية من الصلصة الجاهزة وكان عندي دجاج مطبوخ من الغداء قمت بتفتيتهةرقيق وضفتو بالطماطم

نضيف بعد ذلك بقدونس مقطع وكاس ماء ونخليها تغلي مليح ونحط الكروكات فوق ورق ماص حتى نتخلص من كامل الزيت

فالاخير نطفي عالصلصة ونجيب صحن التقديم ونحط كمية من الصلصة والدجاج

وأخيرا نحط حبات من كروكات الأرز والدجاج قدمتها كوجبة للعشاء كما يمكن تقدم الكروكات مع حساء او كمقبلة في الشهر الفضيل مع شربة فريك او حساء الخضار او حريرة