نبدأ بسم الله ونجيب نصف صدر دجاج نقطعو مربعات ثم نحطو فالاشوار ونرحيه ناعم ونضيف عليه بقدونس مقطع رقيق و3 فص ثوم مرحيين

بعد ذلك نضيف التوابل المذكورة والملح وحبة البيض ونخلط جيداً حتى يتلم اللحم جيداً

نجيب ورق شفاف ونحطو على سطح العمل ندهن يديا بالزيت وناخذ كمية من اللحم نحلها على شكل مستطيل ثم نحط قطع من الجبن كما في الصورة ونلف بالورق الشفاف ونشكلو حربوش

نكمل كامل الكمية بنفس الطريقة ونجيب مول يد خل الفرن نضع فيه حرابيش اللحم ثم نفرغ حوالى كاس من الماء ونشعل الفرن يسخن وندخل الصينية الفرن حتى يطيب الدجاج

بعد ماطاب اللحم نطفي عليه ونخليه يبرد ثم ننزع منه الورق الشفاف ونحطها في صحن لحين اقتراب وقت التقديم نجيب مقلاة نحط بيها كمية قليلة من الزيت نخليها تسخن ونقلي حربوش الدجاج حتى يتحمر مليح

فالاخير نجيب اعواد الشواء ونحط عود سواء في كل حربوش دجاج ونربطهم بخيط مع بعض ونحطهم في صحن التقديم مع اوراق من السلطة الخضراء وكمية من السلطة المشوي مع زيتون مشوي وسلطة جاهزة حارة كان هذا اول طبق رمضاني قدمته اليوم مع شوية فريك