نبدا بسم الله ونجيب رسبسيون نحط فيها كاس حليب دافئ مع م ك سكر وم ك خميرة الخبز ونخلطها مليح ثم نضبفلها كاس فرينة ونخلط مليح ونغطيها بورق شفاف ونخليها مدة 5د

بعد ما اختمرت نضيفلها 4م ك زيت ونخلط جيدا

نبدا نضيف فالفرينة وم ص ملح حتى نتحصل على عجينة طرية نوعا ما

نغطي العجينة ونخليها تختمر ونرجع عندي قطع دجاج مطبوخ نحطو في صحن ونقوم بتفتيته قطع صغيرة

بعد ما اختمرت العجينة نقسمها إلى 3كرات نجيب ورق طهي نرشو بقليل من الفرينة ونحل الكرة الأولى على شكل مستطيل ثم نحط كمية مليحة من الحشو

نضيف زيتون اخضر مقطع شرائح ثم قطع من جبن طري ونغلق لفتين كما فالصورة وتدور العجينة ونجيب سكين ونقطع شرائح رقيقة

نشكل ضفيرة شعر كل 3خطوط مع بعض ونلفها إلى الجهة الاخرى ثم نكمل الكرة الثانية و الثالثة بنفس الطريقة انا استخدمت 2كرات من العجينة فقط واحتفظت بالثلاثاء للغد ان شاء الله

نخلي المملحة تختمر ثم نجيب صفار بيضة وندهنها مليح ونرش عليها سينوج (حبة البركة) ونشعل الفرن يسخن مسبقا وندخل المملحة تطيب من أسفل ثم نشعل عليها من فوق تأخذ لون الذهبي

نخرج المملحة من الفرن ونحطها في صحن ونغطيها بطرشونة

فالاخير شكل النهائي لمملحة الضفيرة جات بزاف هايلة وقطنية