نبدأ بسم الله ونجيب نصف صدر دجاج نقطعو مربعات ثم نحطو فالاشوار ونرحيه ناعم

ثم نبرش 2 حبات جزر وحبة بصل مسكرفجة (مفرومة) ثم نجيب مقلاة نحط فيها 2 م ك زيت ونحطها على النار ثم نضيف البصل يتقلى ونضيف عليه الدجاج نقلي جيداً

ثم نضيف الجزر والملح والتوابل المذكورة ونقلي على نار متوسطة حتى يطيب الدجاج والجزر

بعد ما نضجت نضيف عليها زيتون اخضر مقطع شرائح وكمية من الماييس (ذرى معلبة) و4 م ك جبن طري ونصف كاس كريمة الطبخ

نخلط جيداً ونخليها تبرد تماما

نرجع نجيب خبز التورتيلا ونقطع كل حبة إلى نصفين

ثم نحضر الغراء الغذائي نحط فرينة. ونضيف عليها ماء ونخلط حتى يصبح قوامها ثقيل ثم نجيب نصف حبة التورتيلا نحط كمية من الجبن المبشور ثم كمية من الحشو وكمية اخرى من جبن مبشور ونغلق الحبات بالغراء حتى لا تفتح أثناء القلي

اما باقي الحبات وضعت جبن شرائح بدل جبن مبشور وكملت بنفس الطريقة

حتى تحصلت على 6 قطع

بعد ذلك راح نحضر العقدة لي راح نحط فيها مثلثات التورتيلا نجيب صحن نضيف فيه كاس ماء ونضيف عليه الفرينة ونخلط جيداً ثم نضيف رشة ملح وم ص بابريكا حلوة ورشة فلفل اسود ونخلط جيداً نبدأ نغطس الحبات فالعقدة

ثم مباشرة فالشابلير

نحط المقلاة على النار نضيف عليها زيت ونخلي يسخن ونبدا نقلي مثلثات التورتيلا نخليها تتحرك من أسفل ثم نقلبهم من فوق حتى نكمل كامل الحبات ونحطها فوق ورق ماص يتشربو الزيت

فالاخير شكل مملحات التورتيلا جاو بزاف هايلين ومقرمشين