الكرعين ديال البقر بالحمص
المقادير:
2 كرعين ديال البقر منقيين ومغسولين مزيان
كاس ديال الحمص مرقد من الليل
بصلة كبيرة محكوكة
3 فصوص ثوم مدقوقين
ملعقة صغيرة سكنجبير
نصف ملعقة صغيرة إبزار
نصف ملعقة صغيرة خرقوم
ملعقة صغيرة تحميرة
ملح حسب الذوق
3 معالق كبار زيت
معدنوس وقزبور مشلظين
الماء
الطريقة:
فطنجرة الضغط حطي الكرعين والبصلة والثوم والزيت والتوابل والمعدنوس والقزبور.
زيدي الحمص المرقد والماء حتى يغطي المكونات.
سدي الطنجرة وخليها تطيب من ساعة ونصف حتى لساعتين تقريباً حتى يطرى اللحم والحمص.
إلى بغيتي المرق غليظ، خليها تغلي شوية بلا غطاء فالأخير.
بالصحة والراحة 🌷.