نبدأ بسم الله ونجيب قصعة نحط فيها 8 كاس فرينة وحبة بيض وكاس الا ربع زبدة ذائبة وباردة نبسسها جيدا ونضيف حبة بيض نخلط جيداً مع ما ص ملح ونبدا نلم بالعجينة بالماء وماء الزهر

نحط العجينة ترتاح حوالى 4 ساعات ثم نحضر الحشو نجيب رسبيون (وعاء) واسعة ونحط فيها 11 كاس كاكاو محمص ومرحي متوسط ونضيف عليه 2 كاس سكر عادي وعطر ماء الزهر ونخلطو جيداً

نضيف الخليط ماء الزهر تدريجيا حتى يصبح مفتول ونخليه على جنب بعد مرور 4 ساعات نشكل العجينة حربوش ونقطعها إلى 11 كرة

نشكلهم كرات 6 كرات من تحت و5 كرات من فوق ونغطيهم ونخليهم يرتاحو نبدأ نرش بالنشاء كل كرة ونحط 2 كرات فوق بعض

نحل 2 كرات فوق بعض حتى يصبحو رقاق ثم نجيب صينية فرن مقاسها 35/30 وندهن الصينية بالسمن جيداً ثم نحط الطبقة الأولى وندهن بالسمن جيداً ثم نحط الطبقة 2

نبقا بنفس الطريقة حتى نكمل 6 طبقات ثم نرجع نجيب الحشو ونفرغو فوق العجينة

نفرغ الحشو فوق العجينة ونسويه جيداً ثم نرجع نحل 5 كرات بنفس الطريقة وندهن بين كل طبقة ونبقى الطبقة 5 نفتحها جيداً ونحلها من فوق

نقطع العجينة الزائدة ونجيب طابع مربع ونشكل مربعات ثم نقطع بالسكين وندهن الطبقة الاخيرة بالسمن جيداً

نخلي صينية البقلاوة ترتاح ليلة كاملة وفالغد نطيبها وكل واحدة ودرجة حرارة الفرن نشعلها من فوق تتحمر جيداً ونخرجها ونعسلها مباشرة بكيلو ونصف عسل ونخليها ليلة أخرى تتشرب العسل جيداً وفي الغد نجيب كمية من العسل نضيفلها 2 ملعقة ك غلوكوز ونحط حبات الجوز داخله فوق نرشق كل حبة جوز فوق كل حبة بقلاوة

نقطع حبات البقلاوة بسكين حاد ونحط كيس بلاستيكي خاص بالبقلاوة في كيسات ورقية