نبدأ بسم الله ونجيب 2 كاس الا ربع لوز مرحي نضيف عليه كاس الاربع سكر عادي نرحيه قليلا فالاشوار قبل ما نضيفو ثم نضيف ما ك فانيلا ومبشور ليمونة

نخلط جيداً حتى يذوب السكر ونضيف ما ك زبدة ونجمع ونبدا نضيف في الماء وماء زهر حتى نتحصل على عجينة طرية نوعا ما

نلم العجينة ونخليها ترتاح ثم نشكلها حربوش

نجيب كوبات ونقطع شكل مقروظات نسويهم جيداً ثم نجيب ورق طهي نحط فيه حبات المقروظ ندخلهم الفرن يطيبو مدة 10 دقائق فقط ثم نشعللهم من فوق قليلا ونخرجهم

نجيب صحن نحط فيه ما ك سكر ناعم والقلبل من ماء الزهر نحل السكر جيداً ثم نخرج حبات المقروظ من الفرن ونخليهم يبردو تماما

بعد مابرد مقروظ اللوز نثقبو من الجوانب ومن فوق والاسفل وندخل بالحبة في ماء زهر والسكر

نحطو مباشرة فوق طرشونة ينشف قليلا ثم نجيب كمية كبيرة من سكر ناعم نغربلو مليح ثم نحط فيه حبات اللوز

بصفاية نرش كمية اخرى من السكر الناعم فوق الحبات حتى يتغطو تماما نخليهم حوالى ربع ساعة ومن بعد نشكلهم مليح باليد حتى يتماسك السكر فالحبة

نكمل كامل الحبات ونرش كمية قليلة من فوق بالصفاية ونخليهم يرتاحو

فالاخير نحط حبات المقروظ في كيسات ورقية