نبدأ بسم الله ونجيب رسبسيون نحط فيها 250غ زبدة وكاس الاربع سكر ناعم مع كاس الاربع زيت وم ك فانيلا وعلبة فلان ذوق شوكولاتة

نخلط بالخلاط الكهربائي جيداً ثم نضيف حبات البيض بالواحد ونخلط حتى نكمل 3 حبات ثم نضيف كاس الاربع نشاء ونصف كاس كاوكاو (فول سوداني) محمص ومرحي وم ك كاكاو بني

نخلط جيداً ونبدا نضيف في الفرينة تدريجيا مع كيس خميرة الحلوى ونلم

نتحصل على عجينة طرية نوعا ما نلمها ونخليها ترتاح ونجيب المول الموجود في الصورة نحط طهي فوق صينية فرن

نحط كمية من العجينة نشكلها مليح كما في الصورة. حتى نكمل كامل الكمية ونقلب المول كنا في الصورة وندخلهم يطيبو من تحت ثم نشعل لهم من فوق بعد ما نكون نزعت ليمول بعد ماطابو من تحت

شكل الحبات بعد طابو نجيب كمية من توفيا كراميل ونفرغ في الوسط وحبات أخرى نحط فيهم شوكولاتة الطلي

نخلي الحبات يتماسك الحشو

نجيب شوكولاتة بيضاء نذوبها على حمام مائي ونضيفلها كمية من فول سوداني محمص متوسط ونغلف حبات الحلوى كنا في الصورة

ثم باقي الحبات غلفتها بشكولاتة بالحليب. مع القليل من الفول سوداني وغلفت كامل الحبات ثم زينتهم