نبدا بسم الله ونجيب طنجرة نحط فيها حبة بصل مرحية وجبة جزر نقطعها مربعات و3فص ثوم مرحي وجبة طماطم مقطعة ثم نضيف افخاذ الدجاج عليهم ونضيف الملح و التوابل المذكورة

نحط م ك زيت وم ك زبدة ونحطها عالنار تتقلى جيدا ثم نضيف م ك طماطم مصبرة ونقلي جيدا

نضيف بعد ذلك كمية من زيتون اخضر شرائح ونقلييه جيدا ثم نمرق بماء ساخن ونغطي ونخلي المرق يطيب

نرجع نوجد الأرز نحط كاس ارز في كسرونة يغلي جيدا مع رشة ملح حتى يطيب ونصفيه ونضيفلو م ك زبدة ثم نجيب مول زجاجي يدخل الفرن ثم نفرغ الارز ونصب كمية المرق من فوق كما فالصورة ثم نضيف افخاذ الدجاج من فوق ونشعل الفرن من تحت حتى يشرب كل المرق ثم نشعل عليه من فوق وندهن افخاذ الدجاج بالزبدة ونشعل عليه من فوق يتحمرو