نبدا بسم الله الوصفة موجودة فالرابط هنا انا فقط ضفتلها م ص خميرة الحلويات وطهيتها في نفس السارسو المربع

نفرغ خليط الكيك فالسارسو ونكون سخنت الفرن مسبقا وندخلت الكيك يطيب ثم نحضر في رسبييون كاس فراولة مقطعة مربعات نضيفلها 3م ك سكر ونخليها حوالي نصف ساعة او اكثر حتى يذوب السكر تماما ويخرجلي سيرو احمر (نشرب بيه الكيك)

بعد ماطابت الكيك. من تحت نشعل من فوق تتحمر ونخرجها ونخليها تبرد وننزعها من السارسو ونحطها فوق ورق طهي ونخليها تبرد تماما ثم نقطعها إلى 3اقسام ثم في نفس السارسو نغلفو بورق شفاف جيدا ثم نجيب كمية من الفراولة نقطعها إلى نصفين لكل حبة ونحطها على حواف المول كما فالصورة ثم نحط اول قطعة من الكيك لازم تكون أقل من المول

نرجع نحضر الكريمة في كسرونة نحط 2كاس حليب مع 4م ك سكر و3م ك نشاء ونخلط بارد في بارد ونحطها عالنار تثقال

نفرغ خليط الكريمة من صحن التقديم نغطيها بورق شفاف وندخلها المجمد ثم نخرجها بعد ما بردت تماما ونحطها في رسبييون ونخلطها بالخلاط الكهربائي

بعد ذلك نبدا نضيفبها كاس شانتي كنت خفقتو من قبل مع كاس ماء ونخلط الشانتي مع الكريمة تدريجيا حتى نتحصل على كريم ديبلومات خفيفة ونخليها على جنب نرجع نشرب الطبقة الأولى بقليل من السيرو تاع الفراولة

نحط في كيس حلواني كمية من الكريمة ونضع فالحواف ثم نغطيها بسباتيلا جيدا ثم نضع كمية من الكريمة فالوسط

نسويها جيدا ثم نحط كمية من الفراولة المقطعة ونحط الطبقة الثانية من الكيكة ونعاود نفس الطريقة نشربها بالسيرو

ثم نضع طبقة من الكريمة ثم طبقة من الفراولة وفالاخير نضع القسم الاخير من الكيكة ونغطيه بكمية من الكريمة نسويها جيدا وندخلت الكيكة المجمد مدة ساعة

نخرج الكيكة بعد مرور ساعة ونحضر كولي الفراولة نحط كاس من الفراولة المقطعة مع كاس ماء وم ك سكر ونحطهم عالنار يغلي مدة 10د ثم نطفي النار ونضيفلهم علبة الان ذوق فراولة ونخلط جيدا ونحيها بالبرا ميكسار ثم نرفع السارسو قليلا ونفرغ خليط كولي الفراولة

ندخل الكيكة الثلاجة حتى يتماسك جيدا ثم نخرجها ونزينها بانصاف من حبات الفراولة وندهنهم بنباج حتى نتحصل على لمعان

فالاخير شكل تارت فريزي قدمتها مع قهوة العصر وهذي كنت حضرتها العام الماضي على شكل قلب وهذي شكل دائري

اشكال تارت الفريزي