نبدأ بسم الله ونقطع نصف صدر دجاج قطع طوليا ثم نحضر الماريناد نحط علبة زبادي مع 2 م ص هريسة وم ك خردل وملح وفلفل اسود وزنجبيل وكركم وتوابل شاورما و4 م ك زيت

نخلط الكل جيداً ثم نفرغ قطع الدجاج ونخلطو جيداً

نضيف نصف كاس ماء ونخلط جيداً ونغطي بورق شفاف ونخليه يرتاح مدة 1 سا ثم نجيب حوالى 5 حبات بطاطا نقطعهم شرائح طوليا

بعد مرور ساعة ننزع الورق شفاف ونجيب مقلاة نحطهم على النار ونفرغ خليط الدجاج ونخليها تغلي حوالى 10 دقيقة

نفرغ خليط الصلصة في صحن ونخليه على جنب ونرجع نحط المقلاة على النار تتقلى حتى يطيب الدجاج جيداً ويتحمر نفرغو في صحن

في نفس المقلاة نفرغ كمية الصلصة ونضيف عليها كاس ونصف حليب مع ما ك طحين ابيض ونخلط بارد في بارد

نحط الخليط على النار ونبقا نخلط حتى تغلي نطفي النار ونضيف كمية من الجبن المبشور

مع قطعة جبن طري ونخلط جيداً ثم نرحي الخليط بالبرا ميكسار حتى نتحصل على كريمة ناعمة

نفرغ الكريمة في صحن

نحضر خبز التورتيلا ونقلي بعد ذلك البطاطا

نبدأ نحضر الطاكوس نحط ورقة فوق طاولة العمل ونحط ما ك هريسة ثم حوالى 2م ك من صلصة الجبن نوزعها فوق الهريسة ثم نحط حبات من البطاطا

ثم قطع من الدجاج فوق البطاطا ثم القليل من الكريمة من فوق وشريحة جبن ونغلق حبة الطاكوس ثم نحضر آلة تحضير الشطائر نحطها بالكهرباء تسخن

نحط حبة الطاكوس ونغلق ونخليها تتحمر ونبقا نقلب من الجانبين حتى تتحمرجيدا ونكمل باقي الحبات بنفس الطريقة

نحط حبات الطاكوس في صحن التقديم ثم نقطع الحبات بسكين حاد

فالاخير شكل الطاكوس جاء بزاف بنين قدمتو كوجبة الغذاء وصحتين وعافية