نبدا بسم الله ونجيب ريسبيون نحط فيه 3كاس طحين ابيض مع م ك سكر وم ك خميرة الخبز وم ص ملح نخلط جيدا ثم نضيف ربع كاس زيت ونخلط العجين جيدا ثم نبدا باضافة الحليب الدافي تدريجيا

نبقا نضيف فالحليب حتى نتحصل على عجينة متماسكة

نغطيها ونخليها تختمر مدة ربع ساعة ثم نحضر الحشو نقطع حبة بصل مربعات صغيرة مع الثوم ثم نجيب مقلاة نحط فيها حوالي 3م ك زيت ونضيف البصل والثوم ونقليهم على نار هادئة

نضيف الملح والفلفل الاسود والبابريكا الحلوة ونقلي جيدا ثم نضيف م ك طماطم مصبرة ونقلي جيدا ثم نضيف صلصة طماطم جاهزة ونخلي الحشو يتقلى جيدا

بعد ما اختمرت العجينة نحطها على طاولة العمل ونقسمها على قسمين متساويين ثم نحل الكرة الاولى بالحلال رقيقة

ونحط 3حبات بيض يتسلقو في ماء ثم نرجع نطفي عالحشو وبعد ماطاب البيض نقشرو ونبرش حبات البيض

نرجع نحط كمية من الحشو في وسط العجينة ثم كمية من البيض المسلوق ثم جبن مبشور

بعد ذلك نضيف حبات جبن مثلثات ونغلق كما فالصورة ونشكلها حربوش نحطو فوق ورق الطهي ونضعه في سينو فرن ونكمل الكرة المتبقية بنفس الطريقة ونجيب سكين ونشكل مثلثات دون مانقطع ونخليهم يختمرو محددا ثم ندهنهم بصفار البيض

نرش عليهم سينوج ونسخن الفرن مسبقا وندخلهم يطيبو من تحت ثم نشعل عليهم من فوق يتحمرو

نخرجهم ونخليهم يبردو ثم نقطعهم إلى مثلثات وتقدم كوجبة للعشاء مع حساء