نبدا بسم الله ونجيب رسبييون نحط فيه 125غ زبدة ونحط رشة ملح مع حبة بيض بدرجة حرارة المطبخ وم ك فانيلا

نخلط جيدا ثم نضيف كاس بسكويت مرحي وكاس كاوكاو محمص ومرحي رقيق ونخلط جيدا ثم نضيف م ك مايزينة

نخلط ونضيف فالاول كاس طحين مع م ص خميرة الحلوى ونلم ونبقا نزيد فالفرينة حتى نتحصل على عجينة طرية نغطيها ونخليها ترتاح ثم نجيب مول كيكعات

نشكل العجينة إلى كرات ونعمر المول ثم نسخن الفرن وندخل حبات القاطو يطيبو ثم نشعل من فوق يتحمرو ثم نخرجهم ونخليهم يبردو

في هذه الابناء نطيب كراميل نحط في مقلاة نصف كاس سكر ونحطها على نار هادئة حتى يذوب سكر تماما ثم نضيف كاس الاربع ماء ونخليه يغلي حتى يذوب سكر تماما في الماء الباقي من الكأس م ك طحين ورشة ملح ونخلط جيدا ثم نفرغ الماء عالمقلاة ونخليها تغليي ثم نطفي النار ونفرغها في صحن ونخليها تبرد

نجيب كاوكاو محمص ومرحي بالقشور متوسط ونغطس الأساور فالكرميل ثم نغطسها فالكاوكاو ونغلفها جيدا حتى نكمل كامل الحبات

فالاخير نزين اساور الكاوكاو بفراشات من الشكولاتة ونحطها في كيسات ورقية