محشي البصل🧅🤩
من أنواع المحشى المميزه وسهل وسريع
لمحبي البصل
#المريول_السوبر
إفتح في تطبيق كوكبادالخطوات
- 1
نجهز الخلطه: نضع الزيت في الحله وننزل عليه بالبصل المفروم ونقلبه جيداً لحد البصل مايتبل وننزل عليه بعصير الطماطم(نضرب الطماطم مع التوابل السابقه) وأول مايغلوا نهدى النار لحد مايتسبك ونكون غسلين الأرز ونضعه على التسبيكه ونقلبه ونتركه 5دقائق يتشرب شويه ونرفعه من على النار ونكون مقطعين الخضره وننزل عليهم بالخضره ونقلبهم كويس
- 2
نقشر البصل ونفتحه من النص بس مش للآخر كما موضح بالصوره ونضعه على النار في مياه للسلق وأول مايغلى نهدى النار ونتركه 10 دقائق بالكتير
- 3
نخرج البصل من الماء ونتركه يبرد ونفصل كل ورقه لوحدها
- 4
نحشي كل ورقه ونلفها كويس ونرصهم في الحله ونخلص كل الكميه
- 5
نضع عليهم الشوربه الساخنه(يفضل شوربة دسمه) ونضع على الوجه قطع زبدة ونغطي الحله كويس ونتركها تغلى 5دقائق ونهدى عليها النار لمدة نص ساعة لتمام السوى
- 6
وممكن نضعه فوق اي نوع محشي ثاني
- 7
نقدمه مع فراخ او لحمة ولسان عصفور وسلطه او مخلل وبألف هنا 🥰
- 8
وهنا كنت عملاه مع ورق عنب وكرنب🤩
النصائح
يمكن إضافة ملعقة صلصة للتسبيكه لاعطائها لون أحمر أكثر
ويمكن إضافة بقدونس للحشو(الخلطه) حسب الرغبة
ونفس الخلطه دى تنفع لمحشى الباذنجان والفلفل او أى نوع آخر 🌹
Keywords
وصفات مشابهة
وصفات ننصحك بمشاهدتها
التعليقات (12)