نبدا بسم الله ونجيب 250غ جلجلان (سمسم) نحمصو في مقلاة ونخليه يبرد ثم نضيفو في ريسيبون ونحط عليه 250غ فرينة و2م ك زيت و2م ك زبدة ذائبة ونخلط جيدا ثم نضيف رشة ملح وصفار بيضة وم ك خل وم ص خميرة الحلوى ونخلط جيدا ثم نبدا نضيف فالماء وماء الزهر تدريجيا

نبقا نلم حتى نتحصل على عجينة طرية نوعا ما نغطيها بورق ونخليها ترتاح مدة نصف ساعة

بعد ذلك نرش طاولة العمل بالفرينة ونفتح الكرة الاولى (انا قسمت العجينة على 2) ثم نجيب طابع دائري تاع صابلي ونطبع العجينة

نشكل العجينة على كرات ونغلقهم على شكل بليغات بالضغط عالوسط فقط كما يمكن الصاقهم ببياض البيض

نكمل كامل العجينة ونحطهم في سينة ونغطيهم

نجيب كسرونة نحط فيها كمية كبيرة من الزيت ونخليها تغلي جيدا ثم نحط حبات البليغات فالزيت ونقليهم جيدا حتى يتحمرو ومباشرة نحطهم في عسل ونخليهم يتعسلو جيدا حتى نكمل كامل الكمية

فالاخير نقدم بليغات الجلجلان في صحن التقديم