نقطع ليكويس على2🍗🍗ونضعهم في قدر مع مغرف سمن نخليهم يتقلاو شويا ثم نضيف3بصلات مسكرفجين ، أو: مرحيين افضل ، ،نخليهم يتقلاو ، ونضيف م.ص معمرة مليييح فلفل كحل ، (أو :فلفل ابيض افضل) +م.ص راس الحانوت + عود قرفة.

نخليهم يتقلاو 30د على نار متوسطة ،ثم نضيف الجزر مقطع طوليا يتقلى ، ثم نضيف 5 لتر ماء مغلي💧. ، وبعد 20د نضيف اللفت إن توفر والقرعة مقطعين (ونعس الدجاج لايذوب: غير يطيب نحيه من المرق ليتوقف عن الطبخ) ، والحمص لمشمخ نطيبو وحده بلا ملح ثم نلوحلو شوية مرقة يغلي فيها 10د♥️ ، مثل الوصفة السهلة:
(مطبخ صغيرتي عرضة فاخرة 15شخص كسكس بالدجاج والمرق الأبيض)
_ونحمر الدجاج بعدما برد ونشف🍗😍 ثم نحمر البطاطا إختياري ، ونغلي البيض هو الأول.

ونفور 2 كيلو كسكس =11 كاس ممسوح بكاس أم وليد
= 4طيسان تع كيلو طماطم ممسوحين ناقص كاس.
(فالأخير فضل من الكسكس ربع الكمية)

والمرقة كي تطيب تكون حوالي 4 لترات أو: 5 لترات. تكفي وتوفي.
- كيلو كسكس يحتاج (1،5) أو: 2 لتر مرق.

وبحسابي ولائم كثيرة 50..100شخص..

💝💝💝💝💝💝💝💝💝💝💝💝

💥وهذي مثلها👇 ولكن درت كسكس بمرق أحمر 15شخص🌹 كوصفتي التي بالرابط👇درت3صحون الموضحة فقط، استعملت اللحم والدجاج وقشرت الطماطم :

بحيث الطماطم قشرتو.. مثل وصفة: (وليمة لعشرين شخص كسكس بمرق احمر)🌹 هي بحسابي ،فيها روابط الولائم...
(ولكن فورت2كيلو فقط تكفي ✅ وليس 3 كيلو).
-وحضرت معاه التتبيلة حمرا حسب الوصفة المذكورة بالرابط ، ثم قسمت التتبيلة على2 :
تبلت الدجاج فالكوكوط🍗 ، واللحم 🍖في برمة كبيرة فورت فوقها الكسكس. ، والخضر طابت وحدها ، والحمص وحدو🌹🌹

💥وبحسابي: وصفة: قعدة العيد مع كسكس أبيض 10 اشخاص. ، وبكوكسنابي أيضا.