نبدا بسم الله ونحط قطع البطاطا في كسرونة واسعة ونحط ماء وم ص ملح ونخليها تغلي حتى تنضج جيدا ثم نحضر 6كوتليت خروف

نحط عليهم ملح وبابريكا حلوة وتوابل اللحم ونخلط مليح

نجيب طنجرة ضغط نحط فيها قطعة من شحمة الخروف ونحط الطنجرة عالنار ثم نضيف الكوتليت(اضلع الخروف) ونبرش عليهم فصوص الثوم ونخلط جيدا ونغلق الطنجرة ونحطها تنضج على نار هادئة

نرجع البطاطا نضيف عليها م ك زبدة وم ك جبن طري ونخلط جيدا بالباتور حتى تترحى مليح

نجيب صحن التقديم نحطو فالابوش ونشكل وردات كما فالصورة ثم نحط اضلع الخروف بعد ماطابو ونزينهم بقليل من الزيت ونقلي حبة طماطم شرائح

فالاخير نضيف على صحن التقديم كمية من الحميص الحار ويقدم كوجبة خفيفة للعشاء