نبدا بسم الله ونحضر تتبيلة الطاكوس في رسبييون نقطع صدر دجاج إلى قطع طويلة ثم نحط م ك موطارد و م ص ملح وفلفل اسود وتوابل شاورما او كاري دجاج و زنجبيل مع م ص كركم وم ك خردل 2م ك زيت ونخلط جيدا ثم نضيف الدجاج ونتبلو جيدا ونخليه ليلة كاملة او عالاقل 4سا ثم نجيب مقلاة نحط فيه م ك زيت ونحطها عالنار ثم نضيف عليها الدجاج ونخليه على نار متوسطة ونضيف عليه م ك طماطم مصبرة حوالي نصف كاس ماء حتى تتشكل صوص نخليه مدة 10د ونفرغ هذيك الصوص في صحن ونخلي الدجاج يكمل طياب على نار هادئة

بعد ماطاب الدجاج جيدا ويتحمر مليح نفرغو في صحن

في نفس المقلاة نفرغ كمية الصوص ونضيف عليها كاس حليب وم ك طحين ونخلط بارد في بارد ثم نحطها عالنار مع التحريك المستمر حتى تثقال

نطفي النار ونضيف جبن طري او جبن مبشور ونخلطو جيدا ثم نرحيها بالبرا ميكسار حتى تصبح كريمة ناعمة ونفرغها في صحن ونخليها لوقت التحضير

نقلي كذلك 3حبات بطاطا كبيرة الحجم

نحتفظ بالبطاطا المقلية في كسكاس تقطر من الزيت

نجيب خبز التورتيلا ونبدا نحضر حبات الطاكوس

نبدا نحط طبقة من الكريمة ثم القليل من الهريسة اختياري ثم بطاطا مقلية ثم قطع من الدجاج وكريمة وجبن طري

نغلق حبات الطاكوس ونبقا نكمل بنفس الطريقة

نجيب بانيناز اوشواية كهربائية ونكمل طهي الطاكوس فيها نوصلها بالكهرباء ونبدا نحط حبة الطاكوس ونضغط عليها حتى تتشكل خطوط ونبقا نقلب عالجهتين حتى نتحصل على طاكوس كما فالصورة

نكمل كامل حبات الطاكوس ونخليه يبرد ونقدمو كوجبة للعشاء بعد ما قطعت الحبة على. 2وخليتو يبرد

فالاخير شكل الطاكوس جاء بزاف بنين قدمتو مع مشروب غازي كوجبة للعشاء وهيا احسن وجبة لعائلتي دائما احضرها لهم خصوصا في فصل الصيف