نبدل بسم الله نجيب رسبييون نحط كاس ماء دافئ نضيف عليه 4م ك حليب بودرة ونخلط جيدا ثم نضيف عليه م ك خميرة الخبز وم ك سكر

نخلط جيدا ونغطيها ونخليها تختمر حوالي 10د ثم نضيف لها بعد ذلك بياض بيضة وربع كاس زيت نخلط جيدا ثم نبدا باضافة الطحين بالتدريج مع م ص ملح ونلم حتى نتحصل على عجينة طرية نوعا ما نغطيها ونخليها تختمر مجددا

بعد الاختمار نقسم العجينة على. قسمين الاولى نرش طاولة العمل ونرشها بالطحين ونحلها بالحلال جيدا ثم نقطعها كنا فالصورة ثم نحضر جبنة شيدر نقطعها إلى قطع صغيرة ونحط قطعة في كل مثلث اما باقي الحبات نحط فيهم جبن كريمي ونلف الحبة ونشكلها هلال

نكمل كامل العجينة الأولى نحطها على ورق الطهي في سينية فرن ونغطيها بطرشونة ونخليها تختمر

نرجع العجينة الثانية ونشكلها كرات متوسطة ثم نحطها في ورق طهي ونشكلها همبرغر بعد ما اختمرو جيدا ندهنهم بصفار البيض ونرش عليهم حبة البركة ثم نسخن الفرن وندخلهم يطيبو من تحت ثم نشعل عليهم من فوق يأخذو لون الذهبي

نخرج حبات الكرواسون وحبات الهمبرغر من الفرن ونغطيهم بطرشونة

بنفس العجينة شكلت نوعين من المملحات سهلة التحضير