اطيب كيك سادة بنفشة سحرية ومكوناته موجوده بكل بيت 🌸👩🍳💖
كيك سادة بنكهة مميزة على طريقتي الخاصة وبطعمة مميزة وقابل للحشو والتزيين .
اطيب كيك سادة بنفشة سحرية ومكوناته موجوده بكل بيت 🌸👩🍳💖
كيك سادة بنكهة مميزة على طريقتي الخاصة وبطعمة مميزة وقابل للحشو والتزيين .
إفتح في تطبيق كوكبادالخطوات
- 1
نبدأ بالمكونات الجافة : مننخل الطحين ومنضيف عليه رشة الملح و الباكنج بودر ومنخلطهم
- 2
بالخلاط أو بمحضرة الطعام منحط البيض والسكر والزيت والفانيليا ومنخلطهم مع بعض كتيييير منيح ومنتأكد إنو السكر داب
- 3
هلأ اذا كنا عم نشتغل بمحضرة الطعام منضيف الحليب و الخل والمكونات الجافة كلها ومنخفقهم مع بعض منيح ليطلع فقاعات عوجه الخليط أما بالخلاط منضيف خليط البيض والسكر والحليب والخل على وعاء المكونات الجافه ومنخفقهم يدوياً حرصاً على سلامة الخلاط بس المهم ينخفقو كتير منيح وفينا بالنهاية نخفقهم على الخلاط كضربة أخيرة لنتأكد انو الخليط صار جاهز تماما.
- 4
منجيب أي قالب كيك موجود عندك او طنجرة جرانيت من صغيرة إلى متوسطة الحجم مندهن الزبده بكل مكان داخل القالب أو الطنجرة وازا الزبده غير متوفرة ممكن نستبدلها بملعقة طحينة وبعد ما نتأكد انو دهنا القالب منيح منحط رشة طحين داخل القالب ونفتل القالب بكل الاتجاهات لتتأكد إنو الطحين توزع على كل مكان ومنسكب الخليط داخل القالب
- 5
أهم خطوة هي تحماية الفرن لمدة 10 دقائق على درجة حرارة 180 من الاسفل فقط وبعدها مندخل الكيك على الفرن بموضع الرف الوسطاني حصراً لمدة 30 إلى 35 دقيقة مامنفتح الفرن نهائياً
- 6
بنهاية الوقت بيكون الكيك جاهز ونفش وريحته الحلوة فاحت بكل البيت وهون فينا نشغل الفرن من فوق لتحمير الوجه اذا كان بيطلب انو نشغله وعلى الاغلب مانحتاج لهي الخطوة ومن المهم جدا نستنى الكيك ليبرد منيح قبل مانطلعو من القالب لحتى نضمن تماسكه وبعدها فينا نحشيه بالفواكه و نزينو بالطريقة يلي منحبها أو ممكن طعمته الطيبة وهو ساده تكون من أفضل الخيارات.
النصائح
وألف صحة وهنا وتسلم دياتكم 🌸👩🍳💖
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات