نبدا بسم الله ونجيب رسبييون نحط فيها 250غ زبدة ونحضر باقي المكونات على جنب نضيف عالزبدة كاس الاربع سكر ناعم وم ك فانيلا

نخلط جيدا ثم نضيف حبة بيض كاملة و2صفار بيضة ونحتفظ بالبياض ونبدا نخلط ثم نضيف كاس الاربع كاوكاو محمص ومرحي ناعم

نخلط جيدا ثم نضيف كاس الاربع نشاء الذرة ونخلط ثم نبدا نضيف بالفرينة وكيس خميرة الحلوى ونخلط جيدا

نلم العجينة ونغطيها ونخليها ترتاح ثم نحط الفول السوداني فالفرن يتحمر ونطفي عليه النار ونخليه يبرك ونرحيه انا استعملت500غ فول سوداني

حطيت 2كأس فول سوداني محمص ومرحي متوسط مملؤين جيدا نخلط معاهم كنافة محمصة وم ك شوكولاتة الطل ثم نضيف 2م ص من القرفة العزيز النكهة مع ماء الزهر وعطر ماء الزهر ونجمع الكل جيدا نضيف كمية من العسل لجمع الخليط

نرجع العجينة ونوزنها كامل إلى 25غ والحشو 8غ ونبدا نشكل العجينة على كل اليد ونضع فيها كرة حشو ونغلق جيدا

نكمل كامل الحبات ونرجع لبياض البيض نضيفلو م ك فانيلا نخلطو جيدا ونغطس كل حبة في البياض ثم نرمدها في باقي الفول السوداني المحمص حتى نكمل كامل الكمية ونحط حبة كاوكاو في كل حبة مشوك ونشعل الفرن وندخل الصينية تطيب من تحت ثم نشعل عليه من فوق يتحمر

نخرج الحلوى ونحضر العسل في كسرونة واسعة نحط حبة الحلوى فالعسل تتعسل ثم نحطها تقطر في كسكاس حتى نكمل كامل الكمية

نحط الحبات في سينية ونخليهم ينشفو جيدا

فالاخير شكل حبات المشوك جاء يذوب فالفم

أخيرا حطيت الحلوى في كيسات ورقية جات روعة وطعم القرفة اعطى لها نكهة ورائعة زكية حضرت هذي الحلوى كهدية لحفل زفاف