اولا في صينيه على النار هنحط معلقتين الزيت وبعدين البصله المفرومه ونقلبها لحد ما تتشرح

ننزل عليها باللحم المفروم ونقلب وننزل عليها بالبهارات ما عدا الملح

نستنى لما اللحمه تنزل ميتها وتشربها وقبل ما مطفى بحاجه بسيطه نضيف الملح

هنكون في نفس الوقت دا بنسلق المكرونه

منخليش المكرونه تستوى زياده عن الازم

بعد ما المكرونه تتسلق نصفيها من الماء بتاعتها

في صينيه هنحط ملعقة زيت ونمسح بيها الصينيه ونحط فيها نصف كميه المكرونه

وبعدين نحط عليها اللحمه المفرومه ونضيف كميه المكرونه المتبقيه

نيجى بقى للبشاميل في حله على النار نحط فيها السمنه وأول ما تسخن نضيف الدقيق ونقلب لحد ما يحمر وبعدين نضيف اللبن واحده واحده بس اهم حاجه اللبن يكون بارد علشان الدقيق ميكلكعش ونفضل نقلب لحد ما يتقل زى ما احنا عايزين

بعد ما نطفى على البشاميل نكون محضرين ٢ بيضه ونضيفهم على البشاميل ونقلبهم فيه ونضيف البشاميل على المكرونه وندخلها الفرن على درجه حراره ١٨٠ نص ساعه وبعدين تحمر الوش بتاعها