هنسلق المكرونه عادي ونصفيها ونغسلها ونركنها نعمل بقا الحشوة هنجيب بصله وفلفله خضرا ونشوحهم ونحط فص توم يدي ريحه ننزل ب المشروم نقلبه شويه وننزل ب الزيتون ولحم الفراخ المتنسر وتطلع ميتها ونحط التوابل وعصرة اللمونة وتاخد نص تسويه مش تسوية كامله البشاميل هنجيب معلقتين سمنه نسيحمهم ونحاول منحرقهاش ننزل ب الدقيق يتحمر وننزل ب اللبن واحده واحده واحنا بنقلب جامد عشان الدقيق ميكلكعش ولازم السمك بتاع البشاميل يكون خفيف مش تقيل عشان دي لازم تبقا موظوظه وسايحه على بعضها ونطفي

ونحط التوابل ملح وفلفل وجوزة الطيب والمرقه وندوبهم ونركنها ونجيب بقا قالب بيركس او طاجن ندهنه زيت من تحت ونحط طبقه بشاميل وبعدها طبثه مكرونه وعليها طبقة بشاميل وموتزاريلا ونحط الحشو وموتزاريلا وبشاميل وونزل ب اخر طبقة مكرونه ونحط بشاميل ونساويها وموتزاريلا وشيدر ونكون مسخنين الفرن وهتقعد نص ساعه بالظبط والف هناء على قلبكم ❤💌