نبدا بفصل صفار البيض عن البياض و نترك الباض على جنب

نضيف لصفار البيض السكر ، الفانيليا مبشور الليمون ، و الزبدة والكاوكاو المحمص المرحي و نخلط مليح باليد حتى تصبح رطبة و نبدا نزيد الفرينة و الخميرة حتى تتلم العجينة وتصبح رطبة، ما لازمش تكون يابسة بزاف

نشكل كويرات و نوزنهم 25 غ لحبة ، نغطسها في بياض البيض و نحطها في الكاوكاو المرحي خشن و نرمدها مليح و نحطها في كيسات و نزينها بنص حبة كاوكاو و ندخلهم الفرن حتى يتحمرو قليلا وكي نخرجها نسقيها بملعقة عسل مخفف