اولا نقوم بتقطيع الدجاجه الى ٨ قطع وننزع الجلد والأحسن ان يكون وزن الدجاجه من كيلو الى كيلو وربع وبعد التقطيع ننقعها في مياه وخل وملح ساعه

ثانيا في اثناء ننقع الدجاجه هنقوم بتحضير خليط التتبيل هناخد كوبين من الدقيق في بوله وهنضيف عليهم ملعقه من كل البهارات معادا الكركم ونجيب اللبن الرايب ونعجن بيه لحد ما يدينا قوام سائل بس مش اوى وبعدين نشطف الفراخ من المياه والخل ونحطها في الخليط دا وتدخل الثلاجه مش اقل من ساعتين والأحسن انها تبات ليله كامله

ثالثا نيجى بقى للرز البسمتى ١ هناخد البصله ونقطعها جوليان والطماطم نبشرها وفى إناء على النار هنحط الزبده والزيت وبعدين ننزل عليهم بالبصل وأول ما تدبل شويه ننزل بالبهارات كلها ومعاهم الكارى وورق اللورى وشويه ونضيف الطماطم ونسيبهم شويه وبعدين ننزل بالرز ونقلبهم مع بعض وبعدين أضيف الشوربه وأول ما يغلى وطى النهار وسبيهم لحد ما يستو

رابعا بقى نيجى لخليط تغليف الدجاج هناخد باقي الدقيق ونضيف عليه بهارات زى اللى في التتبيله ومعاهم نص كيس بايكينج باودر وعلشان تطلع مقرمشه هنحط الدقيق في كيس وناخد قطع الدجاج بالتتبيله بتاعتها ونحطها في الكيس ونرجع جامد دا سر شكلها

نيجى بقى للقلى اهم حاجه اننا نقليها في زيت غزير انا جبت حله وحطيت فيها زيت ومهم ان الزيت يكون سخن اوى وتاخدى الفراخ بعد ما غلفتيها بالدقيق تحطيها في الزيت ونوطى النار خالص وخطى الحله وسبيها اقل حاجه ٢٠ دقيقه علشان تستوى كويس وبالهنا