اولا نسلق اللحمة عشان هيا الأساس نضعها في حلة على النار وعليها الماء تغلي غلوة نشيل الريم

ثم في حلة اخرى نضع ملعقة زيت ومعلقة سمنة ونضع فيها فصين مستكة وننزل باللحمة تاخد تشويحة ننزل عليها بمايتها الأولي نضيف حبهان ورق لورا فلفل اسود وبصلة مقطعةصغير ونسيبها لغاية ماتستوي ونضيف الملح في الاخر

الارز شوية زيت في حلة وفيها فص مستكة وتكوني غسلة كوبيتين رز وتنزلي بيه وتقلبي تقلبيتين وبعدين تنزلي بكوباية شوربة من اللحمة بيدي طعم للرو وكوباية ماء وظبطي ملحك عشان شوربة فيها ملح يشرب ماء خالص قلبيه وغطي عليه ووطي النار خالص لما يستوي

الصلصة. 🍅
ملعقة زيت وعليهم.اربع فصوص ثوم كبار مفرومين لغاية ما يبدأ يحمر ننزل بعصير طماطم ونضع بهاراتنا فلفل اسود وكمون وكسبرة ناشفة وملح ونتركها تتسبك وفي الاخر نضع الخل.

العيش بحمصه في الفرن احسن عن القلي ويكون اخف شوية.

في اي تشكيلة عندك من الاطباق نبدأ نرص الرز الأول واكون ساقية العيش بالشوربة احطه على الرز ومعاه ملعقة صلصلة عشان ياخد من الطعم واقلب الطبق ثم اضع الصلصة على الوش كده تحبي تعملي ليها تقلية بالثوم والكسبرة على الوش كمان حطلها بس معملتش بحبها كده بس كفاية ال في الصلصة. وبعدين اللحمة ونزين الطبق بأي حاجة خضرا