بعد مااسلق الكرنب واقطعه اتركة على جنب

واحضر حلة واضع فيها ملعقة السمنة مع الزيت واضع نص كمية البصل يتشوح واضع عليه معلقتين الصلصة وانزل عليهم بالطماطم المعصورة في الخلاط..واضع الملح والكمون

واتركهم يتسبكوا قليلا واطفى عليهم واضع باقي كمية البصل واقلبهم معا

واتركه حتى يبرد واحضرطبق فيه نص كوب الرز واغسله واصفيه جيدا وانزله على الصلصة المتسبكة

اقطع الخضرة قطع صغيرة بعد غسلها وتصفيتها واضعها مع الصلصة

كدا اصبحت الخلطة جاهزة للحشو

احضر الكرنب المرصوص وابدا احشى

القصة اننى قللت كمية الرز وكترت الخضرة و الطماطم وبكدا لو كلت محشي مش هياثر على نظامك الغذائى

نكمل بعد كدا احضرى حلة وقطعى في ارضية الحلة طماطم دواير وبصل حلقات وابدائى رصى المحشى وبعد ماتنتهى من الرص اسقيه كبشتين او تلت كبشات شوربة

وممكن ترصى في ارضية الحلة مع الطماطم والبصل شرايح لحمة رفيعه او ستيك متبل وتكملى فوقه بالمحشى بيكون تحفة في الطعم

وبالف هنا