تفرم مكونات الكفته كلها مع بعض عند الجزار او في مفرمة البيت لو عندك

تشكل الكفته على شكل أصابع وتحمر في الزيت وتتحمر مكعبات البطاطس وبعدين تتصفا من الزيت على ورق مطبخ

تتشوح البصله في شوية زيت وقبل ما تاخد اللون الذهبى نضيف الثوم المفروم بالفلفل الحار ونكمل تشويح وبعد ما لونها يصفر نضيف عصير الطماطم

بعد ما تتسبك نضيف الملح والفلفل ومكعب الماجى ومكعبات البطاطس المحمره والكفته المحمره

وتترك على النار شويه

وتقدم مع الارز وبالهنا والشفا

ملحوظه : ممكن تقدم الكفته محمره زى ما هي مع كاتشب ومايونيز وسلطة طحينه وبطاطس محمره أو مكرونه

ملحوظه اخرى: ممكن تتحكموا في الكفته بزيادة كمية الارز او زيادة كمية اللحمه