بقلاوة بعجينة الفيلو
سهلة وسريعة التحضير
إفتح في تطبيق كوكبادالخطوات
- 1
بسم الله أول حاجه نبداو فيها هي "العجينه" في إناء تحطي الفرينه والي هي 4 كيلات والكيله الواحده يلزم تكون تجهز 250غرام ونبسسوها (نمزجها) مليح (جيدا) بالزبدة الذائبة وينبغي تكون بارده (كمية الزبده نصف الكيله لي كيلتي بيها لفرينه)
- 2
فانيليا والملح من الاحسن تحليه (تذوبيه) في قليل من ماء الزهر باش (لكي)العجينه تجي مليحه (تكون جيدة) مفيهاش حبيبات
- 3
إذن فلخطوة هذي تبداي تضيفي ماء الزهر لكن مطريهاش (لاتلتصق) أبدا فسر هذه البقلاوة في عجينتها كي تكون شايحه نوعا ما.
- 4
بعد ذالك تقسميها على 12 قطعه 6 لجهة السفليه و6 للجهة للعلويه تغطيهم بكيس بلاستيكي و يلزم تعطيلها وقت كافي حوالي 4 ساعات او اكثر كل ما ريحت مليح كل ما تجي احسن واحسن
- 5
مرحلة التوريق بعد ما تكون العجينه خذات وقتها ترشي المايزينه على طاولة العمل وتحليهم (تفتحي) بالوحده امبعد تحطي وحده فوق وحده لكن يلزم ترشي المايزينه بكثرة بين الطبقات معنتها تتحصلي على قطعتين وكل قطعه فيها 6 طبقات
- 6
بعد ذالك تحكمي القطعه الاولى تحليها رقييقه جدا توليلك (تصير) ورقة واحده تحطيها في صينيه مربعه 30 على30 سم وتساويها جيدا بعد ذالك تحضري الحشو لي سبق وذكرنا المقادير تخلطي الكاوكاو والسكر وتضيفي حوالي 3 الى 4 مغارف (ملاعق) ماء الزهر وتخلطي فقط بأطراف أصابعك وتحطيه في صينيه تاعك مثل ما تبين الصورة
- 7
الآن المرحلة لي تغطي بيها البقلاوة الطريقه لي عملتيها معا القطعه الاولى تكملي تحلي بنفس الطريقه وتنحي الزوائد
- 8
بعد ذالك تفوتي لتقطاع تقطعيها بالشكل لي تحبيه انت
- 9
قبل ما دخليها للفرن أدهنيها بالزبدة جيدا أو المرغارين لابال بواسطة فرشاة وتزينيها كيما يحب خاطرك بعد ذالك تحطيها في الفرن على 180° حتى تشوفيها خذات لون على الأطراف (اول شي تشعليلها من الاسفل لما طيب طلعيها للفوق)
- 10
هنايا البقلاوة تاعك تكون خذات لون ذهبي تجبديها (تخرجيها) من الفرن مباشرة وهي سخونه تسقيها بعسيله بارده وتخليها تتشرب بشكل جيد بعد ليله كامله تقدرو تتناولوها
- 11
إن شاء الله طريقتي تكون واضحه وشهيه طيبه ❤
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات