كيكة عيد ميلاد 🎂
من مطبخ ♡Oum koussay♡
إفتح في تطبيق كوكبادالخطوات
- 1
بسم الله أول حاجه تبداي بيها تشعلي (نسخن) الفور (الفرن) على 180 ° وتبداي طريقة تحضير الجينواز (الكيكة الاسفنجسية) ولاجينواز يلزملها باتور (مضرب كهربائي) أو لوبيترا (الخلاط او العجان الكهربائي) ضرووري تحطي في إناء البيض و السكر
- 2
تضربيهم جييدا لمدة 10 دقايق حتى تولي (تصبح) (كوم إن موس) (مثل كريمة الموس) تحبسي (توقفي) الخلاط
- 3
بعد ذالك تضيفي فانيليا بودر أو السائلة لي عندك ديري (المتوفر عندك) وتضيفي الفرينه (الطحين) والخميرة لي تكوني غربلتيهم (نخلتهم)من قبل وتخلطي من الفوق للتحت باش تتخلط (لكي تمتزج) جيدا تحبسي (توقفي) التخلاط (الخلط) وتضيفي فانيليا بودر أو السائلة لي عندك ديري
- 4
بعد ذالك تحطي لخليط في مول (قالب) يدخل للفور (الفرن) على 180°كي تشوفيها طلعت(لما تستوي) دخلي كيردو(عود خشبي) كي يخرج ناشف صايي اعرفي بلي طابت (نضجت)
- 5
الكيكه تاعك يلزم تخليها ترتاح نورمالمون (عادة) العملية هذي تعمليها ليله من قبل واذا كنتي مزروبه (مستعجلة) تخليها على الاقل 4 ساعات بعد ذالك تقسميها وتشبحيها (تزينيها)
- 6
نفوتو ضرك (الان نعملوا) لسيرو لي تشربي (تسقي) بيه الكيكه تحتاجي لكاس ماء وزوج (اثنان) كيسان سكر وإترونش تاع قارص (شريحة ليمون) تحطيهم في كسرونه (قدر صغير) وتخليهم على نار متوسطه لمدة 10 دقايق بعد ذالك تشربي لكيكه بواسطة بانسو(فرشاة)
- 7
إذن:بعد ما تتشرب تتزين بكرام شونتي (كريمة الشونتيي) لي تكوني طلعتيها بلماء لبارد او لحليب لبارد والتزين دائما يقعد إختياري وبالشي لي تقدري عليه
- 8
أتمنى نكون عند حسن ظنكم وتكون طريقتي واضحه في نشر وصفاتي المجربه اتمنى تطبقوها وتنال إعجتبكم ❤❤❤
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات