بنجيب الدجاجه انا عملتها مو مقطعه حسب ما بتحبو بنحط عليها الحامض والملح وزيت حتى تروح زنختها وبنغسلها منيح بعدين بنسلق الرز بنخليه يستوي وبنصفي الماء عنه وبنحط عليه بهارات وبنحشيه جواها وبنسكرها بعيدان خشب

بنجيب البطاطا والجزر والفلفل والبندورة والبصل بنقشرهم وبنفرمهم فرم كبير وبنغسلهم

بنجيب صينية بنحط فيها الخضار الى قطعناه وبنحط عليهم بهار مشكل وشوية فلفل اسود وحب هيل ورق غار والماجي وزيت زيتون وشوية ماء وبنجيب الدجاج انا عملتلو صلصه رب بندورة مع شوية لبن مع حامض عصرتو ودهنت الدجاجه كلها وحطيتها فوق الخضار

بنغطيها بقصدير وبندخلها الفرن على نار هادية لبين ما يستوي كل شي لانو انا حطيت كل شي بدون ما اقلي لحتى يستوي بالفرن بنشيل القصدير عنو وبنحمر الوجه

بجنن طعمها وصحتين وعافيه