بالخلاط الكهربائي منخفق : القريشة، الحليب المكثف المحلى، صفار البيض، الفانيلا، الحليب، نشاء الذرة، طحين. منخفقن منيح و خليهن على جنب. الخليط بيكون رخو هيدا طبيعي, بس يروح على الخبز بيشتد.

مندهن صينية للخبز بزبدة و نرشلها شوية طحين, عشان ما تلزق بس بدنا نقطعها.

بحط بجاط صغير الزبيب. انا حطيت شواي اسود و شواي اشقر. و منحطلن ملعقتين طحين. و منرجع منشيلن من الطحين. هاي الخطوة مهمة عشان الزبيب ما ينزل لكعب الصينية وقت الخبز. هيك بيضلو على الوجه، بينزل شوي, بس مش الكل.

بحط الخليط يللي خفقتو بالخلاط بصينية الخبز. بوزع على الوجه الزبيب. و بشويها بفرن, محمى مسبقا, على حرارة 180 درجة لمدة 40 - 45 دقيقة.

بس يصيرو 40 دقيقة بالفرن, بشوف اذا نضجت. شكيت عود اسنان, اذا طلع ناشف يعني التارت مستوية و جاهزة لطلعها من الفرن.

بطلعها من الفرن و خليها تبرد 30 دقيقة. بعدين مناخدا على البراد لمدة ساعتين. كل ما كانت باردة, بتكون اطيب و بتنقص بسهولة اكثر.

تقدم القطعة مع العسل حسب الذوق. ممكن ناكلا بدون العسل كمان. صحتين وهنا. وصفة كتير طيبة و سهلة. بنصحكن تجربوها. ⚘