بنجيب صدور الفراخ البانيه و نقطعها حتت مربعه. و نضيف عليها التوابل السابقه و نذوق التتبيله و نشوف لو محتاجه اي حاجه زياده نزودها. و لو زادت مننا التوابل, او حسينا انها حراقه, الزبادي بتقلل حده التوابل جداً.

انا واحده من الناس ماكنتش متوافره عندي الشوايه. فحطيتها عادي في المقلايه, بس لازم نبقى بالين عيدان الخشب الأول عشان تستحمل الحراره. و حطيتها على النار, طبعاً مع شرايح البصل و الطماطم اللي بيكونوا متقطعين مربعات.

سويتها في مقلايه بس يكون الزيت سخن. بس كانت النتيجه بالرغم من اني قلبت الخله استوت من كل حته الا النص. فاضطريت اشيلها من الخله عشان تستوي كويس. دى كانت الاخطاء اللي قابلتني.

في النهايه كان الطعم حلو جداً و مافرقتش الخله في حاجه.

الثوميه عباره عن زبادي و مايونيز و ملح و خل و نشا و فصين ثوم مفرومين. نحط معلقتين زبادي و ملعقة كبيره مايونيز و ملح و خل و ثوم و نشا. بس انا مكنش متوافر عندي النشا و مع ذلك طلعت تحفه.

الطحينه عباره عن معلقتين طحينه عليهم ماء و نقلبهم مع بعض لغايه ما الطحين تندمج و لونها يغير. و نحط عليها رشه فلفل و كمون و خل و ليمون و ملح.

السلطات : عملت سلطه مشويات جميله عباره عن بقدونس و شرايح بصل جوليان و بهار اسمه سماق يكون مطحون و ليمون و ملح. نحط كل المكونات مع البقدونس و البصل و الطعم تحفه.

بكده نقدر نقدم اكتر من طبق بجانب الشيش طاووق. و بالهنا و الشفا. ♥️

و لمحبي سلطه الكول سلو 😍 نقدر نعملها احلى من بتاعه المطاعم بمكونات بسيطه. عباره عن خس الكابتشو و جزر مبشور و ملعقة عسل نحل او سكر بس يفضل عسل نحل و مايونيز و زبادى و خل و تقدم بالف هنا.

ملحوظه : ممكن نقدم الشيش طاووق اساسي مع عيش بجانب السلطات, او معكرونه حسب اللي تفضلوه. 😉