الفطير الحادق بالسجق
#حب_عمرى 😘
احلى من الجاهز ومن عمايل ايدك 😍
إفتح في تطبيق كوكبادالخطوات
- 1
هننخل الدقيق ونحط رشة الملح ورشة السكر والزيت. ونقلبهم سوى كويس. وبعد كدا هننزل المياه الدافئة حبة بحبة واحنا بنعجن, لحد ما العجينة تلم معاكي.
- 2
هنعجنها كويس, هتاخد تقريبا 10 دقائق في العجان، او 15 دقيقة على اليد.
- 3
وبعد كدا هنقسمها كورتين ونغلفهم بالزيت. ونتركها ترتاح لمدة ساعة.
- 4
ملحوظة: كمية الدقيق تعمل فطيرة كبيرة. ولكل فطيرة هنحتاجلها كورتين من العجين, اياً كان حجم الفطيرة. 👌🏻
- 5
واحنا سايبين العجين يرتاح, هنجهز السجق.
- 6
هنحط شوية زيت صغيرين في الطاسة على النار. وننزل السجق المقطع والطماطم المقطعة ورشة ملح ورشة فلفل اسود. ولو حابين تحطوا فلفل اخضر كمان, حسب الرغبة. ونسيبها تستوي ونطفي النار.
- 7
بعد ماتكون العجين ارتاحت, هنأخذ اول كرة وهنيجي على صينية عشاء كبيرة, او رخامة كبيرة وندهنها زيت. ونفردها خالص ونرققها على قد مانقدر. ولو اتقطعت معانا واحنا بنفرد, عادي.
- 8
وبعد مانفردها على قد مانقدر, هنجيب الحشوة وهنحطها في النص. وهنحط الزيتون المخلي والجبنة التركي المبشورة و الجبنة الموتزاريلا.
- 9
هنقفل كل وجهين قصاد بعض. يعنى اليمين والشمال واللى فوق مع اللي تحت. وهننقلها على حاجة تانية, عشان نفرد الطبقة الثانية.
- 10
هنجيب كرة العجين بقى الثانية وهنفردها زي مافردنا الاولى. وهنجيب الاولى نحطها فوق الثانية, بس هنخلى مكان التطبيق اللي طبقناه من تحت والقعر من فوق. وهنقفل الثانية على الاولى زي ماقفلناها قبل كدة.
- 11
وهندهنها زيت من الوجهين وندهن الصينية ونحطها فيها. وندخلها الفرن على اعلى درجة حرارة, لغاية ماتحمر.
- 12
وهنطلعها ونقطعها. وبألف هنا. 😘
- 13
وللعلم, انا حطيت فوق الوجه زيتون و جبنة موتزاريلا كمان 😋.
كلمات ذات صلة
وصفات مشابهة
وصفات ننصحك بمشاهدتها
التعليقات (5)