اولا نكون نقعين العدس في ماء من بالليل عشان يبقى صحى اكتر و ميخدش وقت على النار. و كذلك ننقع الحمص من بالليل

اولا نقطع البصل جوليان و بعد ما نقطعه نحط عليه دقيق و بعدين ننخله و نرش عليه رشه ملح و بعدين ننزله في زيت سخن غزير و دى الخطوات المطلوبه عشان يطلع مقرمش 😍. و اول ما يخلص نطلعه و نحطه على ورق مطبخ. و نأخذ جزء من الزيت نطبخ بيه الرز و العدس والباقى جزء منه في الصلصة و الجزء التاني في الدقه.

الرز و العدس. نحمر الشعيرية في الزيت و بعدين ننزل بالرز و العدس المغسولين كويس جداً و نحط عقد للرز فقط عشان العدس كنا نقعينه من بالليل و بعدين نحط الملح و الكمون و اول ما يشرب مايته نخفف النار عليه و نحط الشياطه

طريقه الحمص. نجيب حله نحط فيها الحمص و ماء يتسلق فيها و نحط في الماء طماطم متقطعه و ربع ملعقة كمون و اول ما يدخل في السوا نحط الملح و عصره ليمون. و نخلى بالنا ماء سليق الحمص متترميش لانه بيتعمل منها احلى دقه 😍

طريقه الصلصة. نجيب الزيت اللي كنا سايبينه بتاع البصل و ننزله و نحمر فيه ثوم بكسبره ناشفه و بعدين ننزل بالخل بتاعنا و نخلى بالنا ننزل بالخل في الاول مش في الاخر. و اول ما نشم ريحتهم نروح نازلين باللطماطم و لو خفيفه ممكن نتقلها بمعلقه صلصة بس نحطها في الاول مع الثوم و الخل عشان تطلع الماده المحافظه اللي فيها.

و بعدين ننزل بالفلفل الأسود و الكمون و السكر. و نأخذ بالنا اي حاجه فيها طمطاطم و خل ننزل بالسكر عشان يعمل معادله و يكسر حده الخل. و بعدين نحط الملح ورشه جوزه الطيب حسب الرغبه

الشطه. فيه ناس بيعملوها على البارد و فيه ناس بيعملوها على السخن بالنسبالى على البارد. بجيب ملعقة شطه و احط عليها ملعقة صلصة و ملح و ماء و اقلبها كويس. بجد طعمها جنان

المعكرونه. نسلقها السليق العادي فيه ماء بتغلى و نقطه زيت و ملح. انا بحب اعملها بالمعكرونه الاسباجبتى و المعكرونه الصغيره بتاعه الكشري. و لو عايزه تحطى فلفل اسود في ماء السليق حلو اوي بس بيطلع حراق و حامي

و اخيرا و يا رب مكنش نسيت حاجه😂 الدقه 😍 فاكرين ماء سليق الحمص. هيا دى دقتنا. نحط عليها الخل بتاعنا و الثوم و الزيت و الكزبره و بجد طعمها يهبل 😍😍😍😍