نقطع البانيه مكعبات متوسطه.

نأخذ نص كميه التوابل ونحطها على البانيه ونقلبهم. ونسبيهم ساعتين في الثلاجه.

نقطع بصله وفلفل رومي وفلفل حار قطع متوسطه.

نجيب طاسه ونحط فيها معلقتين زيت زيتون. وننزل بالبصل ونقلبه على النار, حتى يذبل.

ننزل بقطع البانيه المتبله بالتوابل. ونقلب فيها, لحد ما يتغير لونها ويبقى قريب لون ذهبي كدا.

ننزل بعد كدا بفلفل رومي وحار ومشروم ونقلبهم مع بعض. وبعدين نحط ملعقة صلصة طماطم ونقلب كويس تاني. وننزل بالتوابل الباقيه ونقلبهم كويس.

ونحط كوب مرقه دجاج ونهدي نار متوسط عليهم لحد لما يستوي قطع البانيه ويتقل صوص شويه

ملعقة زبده مع معلقتين دقيق في طاسه تانيه ونقلبهم لحد لما يتجانسوا مع بعض. ننزل بشويه مرقه ونقلب كويس. وبعدين نحط كريمه طبخ ونقلب, لحد لما صوص يتقل شويه.

ننزل عليه بخليط قطع بانيه ونقلب كويس. ونرش عليهم شويه بقدونس.

بتقدم مع ارز ابيض وشوربه مشروم (فطر) بالكريمه وتوست محمص. 😍 الف هنا.