نأخذ التشيشة ضروري نغربلوها ونحو السميد الرقيق ثم نضيف لتشيشة كيلة سمن ناقصة ونفيضها زيت ونحك مليح بكف اليد ونخليه يبات ليلة كاملة

في اليوم الموالي نمسك تشيشة نحلها بيدينا ونضيفلها الفاني وقرصة الملح ثم نمسك نفس الكيلة لي عبرنا بيها نعمرها ماء وماء الزهر ونبدا نرش الخليط نتاعي ونفتل مثل الطعام منعجنوهش على العموم انا الكيلة مداتهاليش كامل،ثم نشكل كويرات ونحشيها بالحشو لي هوا اللوز+ السكر+ قرفة وفاني وملعقة سمن ونخلط مليح ثم نرش بماء الزهر ونشكل كويرات ونحشي العجينة ونسقمها مليح ونديرها في الطابع ونضع في السنيوة وندخلهم للفرن متوسط ومسخن ولازم متحمريهش باش ميجيش يابس ياخذ لون ذهبي،كي يطيب يبرد نعسلوه 2مرات وندير الحبيبات