هنجهز الحشوة الكبدة هنقطعها صغير و في طاسة على نار هنحط معلقتين زيت و ننزل البصل المفروم و نشوحه و نزل عليه الكبده و البهارات و نقلبهم كويس وتسيبهم تستوي

لحد ما الكبد تستوي هنسلق المعكرونة في مياه و ملح و نجهز الصلصة في حلة هنحط ملعقة زيت و نشوح الثوم المفروم و نزل الصلصة عليه و نسيبها تتسبك وأول مالمكرونة تستوي نصفيها وننزلها على الصلصة وكدة المعكرونة جاهزة

نجهز البشاميل في حلة على النار هنحط الزبدة والزيت و نخليهم يقدحوا و نزل الدقيق بعدها و نقلب باستمرار اول مالدقيق يتحمس كويس وننزل المهارات ملح وفلفل وجوزك الطيب و ننزل لبن و شوربة و نهدي النار و نقلب باستمرار لحد قوامها مايبقي كثيف شوية مش ثقيل اوي حاجة بسيطة و نطفي النار

كدة البشاميل جاهز و الحشوة و المعكرونة

هنحط شوية من البشاميل في البايركس ونغلفه كويس بيهم و نأخذ نص البشاميل نضيف للمكرونة ونقلبها

هنحط طبقة من المعكرونة في البايركس وفوقيها الكبد و باقي المعكرونة فوق الكبد و نحط باقي البشاميل على المعكرونة و نضرب بيضة بفلفل و ندهن بيها وجه البايركس و في الفرن نص ساعة و تتقدم بالف هنا 😋