نخلط السميد و الملح و الماء يكون بارد جدا حتى نتحصل على عجينة طرية من بعد ناخذ ماء مغلي نغطس فيه كيس بلاستيكي و نغطي بيه العجين

نخلي العجينة ترتاح مدة نصف ساعة من بعد ننزعها من الكيس و نعجنها مدة ربع ساعة حتى تحسي العجينة رطبة و من بعد نظيف الماء حتى نتحصل على القوام المطلوب نشكلها كريات صغيرة بواسطة الزيت ونخليها ترتاح

باستعمال الزيت نفتح الكرية و نطيبها في طاجين حديد و منحلهاش رقيقة يعني يكون السمكها متوسط نطهيها ونفتتها مربعات متوسطة

اما بالنسبة الى الصوص نظيف كل المكوانات واذا حبينا الحار نزيدو فلفل احمر حار مجفف و نمرق بالماء عادي حتى ينضج الدجاج او اللحم

من بعد ناخذ قصعة الطين (جفنة الطين)نحط فيها كمية تاع زبدة من الاحسن تكون زبدة طبيعية نزيد شخشوخة و نظيف المرق ونحرك حتى تتشرب الصوص و تزيين يبقى حسب الرغبة