اولا ننخل الدقيق ونضيف عليه ذرة ملح والبيكنج بودرة ونقلبهم مع بعض كويس ونتركهم على جنب

نضع البيضه في بوله وعليها الفانيلا ونقلب كويس علشان ريحة الزفاره اللي فيها تروح بالفانليا فيه ناس مش بتحط فانيليا بس انا من تجربتي بحط المهم بعد مانقلب كويس هنضيف على البيضه اللبن الدافئ والخميره والسكر والزبده ونقلبهم كويس حتى يذوب السكر

هنجيب الدقيق ونفتح فتحه من النص كدا ونضيف المكونات السايله دي ونقلب بمعلقه كويس ونبتدي نعجن لحد ما العجينه تلم معانا كدا نسيب المعلقه ونتعامل معاها بايدنا

ونفضل نعجن لحد ماتلم معانا والطبق يبقى نضيف من العجين كدا وتنعم معانا وتبقي طريه ونغطيها بالبلاستك راب وفوطة مطبخ نضيفه ونسيبها نص ساعة تختمر

بعد ما تختمر هجيب العجينه وارش شوية دقيق على الرخامه وانزلها عليهم وابتدي ابططها او افردها بايدي وبعد كدا افرد بالمردنا(النشابه) ومرققش العجينه ولا اتخنها اوي واقطعها باي حاجه عندك مدوره كبيره ومن النص بحاجه صغيرة زي غطا زجاجه مثلا اهم حاجه القطاعه اللي هتقطعي بيها دي لازم تغمسيها فالدقيق علشان شكل الدونتس يتقطع متساوي وتبقي الدائره مظبوطه كدا

ونقطع بقطعات مشكله اي قطاعه عندك غيري من شكل الدوناتس العادي علشان اطفالك ينبهرو بيه ويحبوه وبعد التقطيع نترك العجينه عشر دقائق او ربع ساعة تختمر وترتاح

نحط طاسه على النار فيها زيت سخن ونضيف الدوناتس لحد ماياخد اللون الذهبي ونقلب الجنب التاني ويأخذ اللون الذهبي ويبان معانا الخط الابيض في النص يبقى كدا تمام استوا والعجينه مضبوطه وناجحه وننشل العجينه من الزيت ونرصصها في صينيه تبرد للتزيين لازم تبرد وبعد كدا بنزينها

ومتقلقيش الدوناتس مش بيشرب زيت خالص الزيت اللي بتحطيه بيفضل زي ماهو والعجينه قطنيه وهشى وجمله نسيبه يبرد ونزينه بالشيكولا البيضه والغامقه وفارمسليه والفواكه المجففه والالماظ بتاع الحلويات موجود فالصوره فوق وبعد التزيين نتركه يبرد في الثلاجه ويقدم وبالف هنا وشفا ياريت الطريقه تعجبكوا واتمني تشوفوا الفديو على اليوتيوب ودا لينك القناه اتمنى تتابعوني https://youtu.be/t3oTw2XDplk وسلاااااااام 😘😘😘😘😘😘😘😘