بسمالله.. اول حاجة ندير مرڨة بيضاء عادي ندير بصلة وثومة وندير دجاج ونقلي ملح وفلفل اكحل ونمرق بكمية قليلة ماء ومبعد كي يطيب, اي يستوي دجاج تاعي نحيه وندير ربطة سلق مقطعة رقيق طيب في هاديك لمرقة تاع دجاج حتان (حتى) تنشف لمرڨة ونحيه

العجينة ندير كاس صغير حليب نفس الكاس ماء دافي كاس الا ربع زيت مغرف صغيرة خميرة خبز مغرف صغيرة خميرة حلوى مغرف صغيرة سكر قرصة ملح حبة بيض ونلم بلفرينة حتان (حتى) تولي عجينة ونخليها ترتاح

كي يطيب, اي يستوي سلق وينشف لمرق نفتت لجاج فوقو وندير فرماج (جبنة) ونديرلو زوج حبات بطاطا مقلية مربعات وندير صوص بشاميل ونخلط كلش ونديرو فوق العجينة

وندخلها طيب كي طيب من تحت نطلع نحمر جوانب من فوق وبصحة والهنا 😍😍😍