نسلق كل من المعكرونة والعدس كل شي لحاله

نقلي البصل لحتى يصير لونه ذهبي بكل كمية الزيت

مناخد الزيت يلي قلينا فيه البصل ومنقسمه لطبخ الرز ولعمل الصلصة

ننقع الارز نصف ساعة بماء سخن وبعدين منغسله ومنصفيه

منجهز الصلصة الحمرا.. بطنجرة صغيرة بنحط جزء من زيت البصل المقلي وبصلة مقسمة ارباع وحبة بندورة حمرة مقشرة وسن توم وبس يدبلو بنحطهن بالخلاط وبنرجعن عالطنجرة وبنحط عليهن باقي مكونات الصلصة ومنخليهن يغلو شوي وبنطفي الغاز

طبخ الرز.. بطنجرة بنحط زيت قلي البصل.. وبنحط الرز ومنحركه شوي بالزيت السخن بعدين بنضيف العدس المسلوق والمي المغلية.. انا بحط المي عالنظر اعلى من الرز بنص سانتي.. ومعلقة ونص ملح او حسب الرغبة وشوي كمون منحركن ومنغطيهن ليستوو منيح واهم شي وقت تسلقو العدس ما تخلوه يستوي كتير

الصلصة التانية "الدقة"... بصلة مبشورة عالناعم ومنحط عليها ليمونة معصورة وملح معلقة كبيرة كمون والمي..

منسكب الرز والعدس وفوقه منحط المعكرونة وبعدين البصل والحمص وعلى جنب بنحط الصوصات وممكن بصل زيادة وحمص

وصحتين وألف عافية

اللهم صل وسلم وبارك على سيدنا ونبينا محمد وعلى آله وصحبه أجمعين وأستغفر الله العظيم وأتوب إليه