بسم الله ، نحط كاس لفرينة ونزيدلو زيت ومبعد لخل ولخميرة وندخلهم في بعضاهم كامل ومبعد لم بالحليب يكون بارد مش حامي ونعجنها غير شوي ونديرها في صاشي ترتاح ونحطها في الفريجدار ما بين نوجد الحشو

مهم الحشو كيما اي مثل تحبي انا درتها خطرة بلحم وخطرة بلجاج نتي واش تحبي

قليت حبة بصل مقطعة رقيق ومبعد درت دجاج مقطع رقيق قليتهم مليح ومبعد درت طماطم ثوم وملح فلفل اكحل وخليتهم يطيبو كي يطيبو نبدأ

نجبد لعجينة تاعي ونقسمها كويرات صغار ونحلها رقيقة بلحلال ولفرينة ونحشيهم ونسكرهم مليح ونقليهم وبصحة وراحة